Back أورلان دي أسوس Arabic اورلان دى اسوس ARZ Орландо ди Ласо Bulgarian Orlande de Lassus Catalan Orlando di Lasso Czech Orlande de Lassus Welsh Orlando di Lasso Danish Orlando di Lasso German Ορλάντο ντι Λάσσο Greek Orlando di Lasso English
Orlando di Lasso | |
|---|---|
 | |
| Agtergrondinligting | |
| Geboortenaam | Orlande de lassus |
| Ook bekend as | Roland de Lassus |
| Gebore | 1532 Mons, Hainaut |
| Sterf | 14 Junie 1594 München, Beiere |
| Genres | Hoog-Renaissance |
| Beroep(e) | Komponis |
Orlando di Lasso (* 1532 in Mons, Hainaut, Boergondiese Nederlande; † 14 Junie 1594 in München, Hertogdom Beiere), soms ook Orlande of Roland de Lassus; Latyns Rolandus Lassus (Orlando het briewe en dokumente self in 'n mengvorm van hierdie naamvariante onderteken) was een van die beduidendste komponiste van die Hoog-Renaissance.
Orlando di Lasso het reeds in sy kinderjare as koorseun in aanraking met musiek gekom. In 1545 het hy Ferrante Gonzaga na Italië gevolg waar hy hom met die wêreldlike musiek van adellike kringe vertroud gemaak het. Nadat hy enkele jare lank as reisende kunstenaar werksaam was, het hy in 1551 in Rome aangekom waar hy twee jaar later as kapelmeester van die San Giovanni in Laterano-kerk aangestel is.
In 1555 het hy Rome weer verlaat en het ná 'n kort verblyf in Antwerpen in 1556 'n lid van die hertoglike hofkapel in München geword. Vanaf 1562 het hy as kapelmeester gefungeer, 'n amp wat hy tot sy afsterwe beklee het. In 1570 is hy deur keiser Maximiliaan II geadel. Orlando di Lasso is in 1594 in München oorlede.
Di Lasso se musikale nalatenskap van ongeveer 2 000 komposisies sluit geestelike werke (soos misse en passiemusiek) asook wêreldlike musiek (soos madrigale, Duitse en Franse liedere) in wat meestal in 'n polifoniese styl geskryf is. Di Lasso het hierdie styl tot volmaaktheid gebring en van die Münchense hofkapel een van die beduidendste orkeste in Europa gemaak.